النهاردة صحيت تقريبا 7 صباحا وقعدت ع النت تابعت صفحاتي ونشرت بعض الاشياء وتحدثت مع بعض الاصدقاء ع الانترنت وبدأت اقرأ كتاب تقريبا الساعة 8 … وانتهيت من قرائتة تقريبا الساعة 8:45 ….وان شاء الله هاقرا غيرة اكتر من واحد واحضر منهم حاجات كتير هاتكلم فيها في محاضرات هاقدمها الفترة الجاية . ودة مش معناة اني سوبر مان ولا بعمل الي متعملش … بس معناة اني محدد هدف واضح وعارف هاقرأ اية بالظبت وفي وقت محدد .. ودة بنسمية في علوم ادارة الوقت بـ “قانون باركنسون” وينص علي ” ان المهمة تتمدد لتشغل الوقت المتاح لها ” ودة بيحصل مثلا مع الطالب الي مذاكرش طول السنة ويجي ايام الامتحانات يخلص المناهج كلها في يومين تلاتة وممكن يجيب نتيجة . يعني كدة زي ماكانوا بيقولوا فالامثال زمان ” الشاطرة تغزل برجل حمار” م الاخر لو عايز تعمل شئ وشايف الوقت قليل عليه … متضيعش وقتك وحدد بالظبت هاتعمل اية ولازم تبدأ فالتنفيذ فورا افضل من الكلام وان شاء الله هاتقدر تحقق اكتر مما كنت تتوقع لو ركزت في الشئ الي بتعملة …بس انت ابدأ ودلوقتي اسيبك تكتب الكومنت وتشير المقال وبعدين تقوم عشان عندك حاجات كتير هاتنجزها 🙂 #خطط #ابدأ #انجز #عافر #التزم #هاتقدر #دعواتكم #احمد_جمعة
