الفرق بين اليوجا والبيلاتس 🧘♀️
بعد اعلان الفنان مصطفي فهمي الي بيتكلم عن اليوجا والبيلاتس ، ومن وقت ما اتعرض ويومياً ناس بتسئلني يعني ايه بيلاتس وايه الفرق بينها وبين اليوجا.
وبصراحة مكانش عندي معلومات كامله عن البيلاتس ، بس ذاكرت شوية وجمعت معلومات ان شاء الله تفيدكم، بس قبل ما ندخل في تفاصيل كل واحدة، لازم نعرف إنهم اتأسسوا في أوقات مختلفة وبيقدموا فوائد مختلفة.
اليوجا، دي رياضة قديمة جدًا جدًا، الناس بتمارسها في الهند من زمان، وكلمة يوغا تعني في اللغة السنسكريتية القديمة “التحكم” أو “التوحيد”, ودلوقتي شقت طريقها لكل مكان في العالم. اليوجا مش بس رياضة، دي نظام حياة، لأنها بتركز على الجسم والعقل والروح في نفس الوقت، بتساعد على الاسترخاء وتحسين المرونة والتوازن.
بالنسبة للبيلاتس، دي كمان رياضة مفيدة جدًا، ظهرت في بداية القرن العشرين من واحد اسمه جوزيف بيلاتس, بيلاتس كان بيدور على طريقة لتقوية العضلات وتحسين المرونة، وبالذات العضلات اللي في منطقة البطن والظهر, في البداية كان تستخدم كعلاجات للراقصين والاستعراضيين لكن فكرة البيلاتس انتشرت وأصبحت معروفة في كل مكان، وبقت ليها فوائد كتير زي علاج الاصابات وزيادة القوة العضلية.
من الآخر، اليوجا والبيلاتس كل واحد ليه فوائده الخاصة والمميزة، وبيعتمد اختيارك للي يناسبك على احتياجاتك الشخصية وأهدافك الصحية والرياضية, المهم إنك تمارس النشاط اللي بيناسبك ويحسسك بالراحة والاستمتاع.
ومن وجهة نظري المتواضعة لعب الرياضات بشكل عام شئ مفيد ومفيش اي داعي انك تركب ترند وتمشي علي موضة وخلاص.
المدرب. #احمد_جمعة_محمد
لو المقال عجبك ماتنساش التفاعلShare & like & comment
