افكار استثماريه لمواجهة الازمة الاقتصاديه:
كتير بتسأل ايه رايك في الازمة الحاليه وايه نصايحك للاستثمار في الفتره دي، وعشان كده حابب اقدم شويه نصايح ممكن تفيدنا كلنا للاستثمار برأس مال محدود.

** الطريق الاول: لو مش مستعجل علي ارباح :
1- الذهب وده تجمد فيه فلوسك 5 او 10 سنين مثلا علي دخول ابلنك الكليه او زواج يكون سعر الدهب ده زاد وربحت فيه وده طبعا تكون سبايك btc او اي شركة موثوقه او جنيهات دهب او دهب مستعمل المهم تقلل في مصناعيه عند الشراء عشان تقدر تكسب فيه كويس .
2-الاستثمار في نفسك: ممكن تشوف ايه المهارات الي ناقصه عندك وممكن تعمل فرق ايجابي في حياتك وابدأ اتعلمها من خلال كورسات او ورش عمل، وبعدها هاتكون المهاره دي بتحققلك مثلا ترقيه في شغلك او تنويع في طبيعه شغلك ودي بتكون استثمار طويل الاجل لكن من افضل الطرق.

** الطريق التاني لو محتاج ربح سريع او دوري :
المشاريع المباشره: زي مثلا التجاره في اي منتج او تعمل دعايا لخدمة بتقدمها زي مثلا التدريس او الصيانه او السواقه… او تعليم اللغه العربيه لغير الناطقين.

امثله للاستثمار القصير براس مال صغير:
1- تشتري بضاعه جمله وتعيد بيعها قطاعي علي النت
2- تفتح سوبر ماركت صغير في مكان محتاج ده
3- تعمل دعايا لنفسك : شوف انت شاطر في ايه واشتغله freelance واستثمر في دعايا اول فتره
4- ممكن تجاره البويات والحدايد في مناطق جديده بتبقي نار
5- مغسله سيارات وصيانه كاوتش في منطقه بها كثافه عاليه للسيارات
6-لو مبلغ كبير شويه ممكن تجيب عربيه زيرو وتاجرها لشركة بترول كم سنه تجبلك دخل شهري وفالاخر بيعها وكرر بعربيه جديده تانيه ، ولو ملقتش شركات تظبتها اوبر وكريم وديدي وان درايف. او شركات سياحه او فايندي .

طب يامستر احمد لى معاييش راس مال كويس اعمل ايه؟!

دي مجموعه افكار لتزويد راس المال لو صغير:
1- السمسره :يعني مثلا تدور علي شقق ع النت في حتت كويسه وتكلم المالك تقوله هاسوقهالم وليا 2.5‎%‎ وتاخد منك ومن المشتري ودي ممكن تبيع شقه بمليون تاخد رقم محترم بس طبعا دي بتحتاج وقت ودعايا ومش كل مره تظبت
2- الوساطه: بين شركتين مثلا واحده عايزه ورق وانت تدور علي شركة ورق وتتفق علي نسبه من الشركتين او تحط هامش ربح.
3- العقارات: لو مبلغ يجيب شقه تجيب ستديو في مكان مصيفي او سياحي درجه اولي وتاحره مواسم السياحة زي مثلا شاليه فالساحل يتاجر كتير 4 شهور فالصيف او استديو في مكان سياحي زي غردقه شرم اسوان
4- ممكن تقدم خدمات علي موقع زي خمسات او فايفر.

فالاخر خليني اطمنك ان الازمة مش عليك لوحدك، ولكن الاخذ بالاسباب والتوكل علي الله هو السبيل الوحيد تحاوز المرحله دي.

وخليك فاكر ان عدم المحاوله؛ اسوأ من الفشل ذاته