ازاي اتخلص من التسرع في قراراتي؟!
كتير بيجيلي استفسارات عن التسرع، وازاي الشخص ممكن يتخلص من التسرع في القرارات، باذن الله هاقدملكم شويه نصايح ممكن تساعد في تقليل التسرع..
- #خد_وقتك: فكر بشكل منطقي وادرس الامر في وقت كافي
يعني مثلا ادي لنفسك فرصة يوم كامل للتفكير قبل اتخاذ القرار او ساعة فالقرارات الصغيرة - #اطلب_التأخير: بدون احراج اي حد يطلب منك قرار معين اطلب منه انك ترد بعد فترة عشان تدي لنفسك فرصة التحليل
- #قارن : عود نفسك وانت بتفكر دايما قارن المميزات و العيوب، والمكاسب والخساير المترتبة علي القرار
- #اسئل_نفسك: جرب وانت بتفكر تسأل نفسك ايه اسوأ شئ ممكن يحصلك لو خدت القرار دة ، واية هو احسن شئ ممكن يحصلك لو خدت القرار دة وبناء علي الاجابات هاتعرف تاخد القرار دة او متاخدوش
- #استشير: عود نفسك دايما اي قرار خايف تتسرع فيه اختار ناس عنده خبره بالامر ده واستشيرهم وده طبيعي هاياخر قوارك شويه
- #ماتخافش_وماتفرحش: اي قرار هاتاخده تحت اي مشاعر هايكون نسبه فشلة كبيرة، ودايما اي وقت حسيت بخوف شديد او فوح شديد او اي شعور عالي تجاه القرار لازم تتوقف وتعمل الخطوات السابقه .
وان شاء الله ربي ييسرلكم الامور
تحياتي المدرب #احمد_جمعة
www.mrAhmedGomaa.com
ماتنسوش التفاعل: share & like & comment