ازاي تذاكر صح ؟!!
يمكن معظم الطلاب بعد فتره الاجازه الطويله بيكون مستواهم في المذاكره والاستيعاب قل شويه ومبقاش زي الاول وده بسبب ان حضرتك ركنت عقلك شويه وبالتالي تأقلم علي وضع الراحة الي استمر فيه شهور الاجازه .
وكمان كتير في المحاضرات بقابل ناس مخلصه تعليمها بقالها فتره وبعد سنين من التخرج بيحاولو يدرسو حاجه تانيه او حتي يقرو كتاب وبتكون ازمتهم كبيره لانهم بيتصدمو في ان عقلهم مش بيستوعب زي الاول ومبقاش بنفس الكفاءه.
و عشان كده فكرت اكتبلك المقال ده عشان يفيدك سواء كنت طالب لسه ار حتي خريج وعايز ترجع عقلك تاني زي زمان.
اتفضل دي روشتة من 10 خطوات لو عملتهم باذن الله هاتقدر تنجح في تحسين مهاراتك الدراسيه وتنشط عقلك…
اولا: لازم انك تبعد عند كل مسببات الي بتضيع وقتك زي النت والفيس او ممكن تخليهم حاجة محددة بوقت بداية ونهاية وحط لنفسك عقاب لو منفزتش ومكافئة حلوة لو نفزت
ثانيا: لازم تقعد تفكر فالمميزات الي هاتعود عليك لما تنجح كويس وتفكر فيها قد اية هاتكون مميزة زي مثلا شغل افضل او اي شئ
دة هايزود الدافع
ثالثاً: ترسم خطة عمل للمذاكرة، بحيث تبقي عارف هاتذاكر مادة كذا في وقت قد كذا وتبقي محدد المواضيع الي هاتذاكرها قبل البدأ وهنا ممكن تختار وفقا للجزئيات الي صعبة عليك او لسة مذاكرتهاش او متوقع انها هاتيجي اكتر فالامتحان.
رابعاً: خد بريك بعد كل 45 دقيقة علي الاكثر ويكون البريك مثلا ربع ساعة وارجع ، وفالبريك متعملش الحاجات الي ممكن تشدك وتضيع وقتك.
خامساً: اختار مكان هادي والاضاءة كويسه وميكونش فية كراكيب كتير ومريح نفسيا ليك ، ويكون جيد التهوية يعني مثلا يكونلة شباك بيجيب هوا متجدد واقعد علي كرسي مريح وبلاش تقعد ع السرير .
سادساً: متذاكرش المواد الي داخلة في بعضها وشبة بعض في وقت واحد او ورا بعض زي مثلا الفيزيا والرياضه.
سابعاً: وانت بتذاكر اقفل موبايلك وشبكة النت عشان ميجيلكش رسايل من الفيس او الفايبر وتقعد ترنلك وتاخد تركيزك
ثامناً: متبدأش مذاكرة وانت جعان او شبعان اوي لان طاقتك وتركيز عقلك هايكون اكتر في عملية الهضم ، والدم هايكون بنسبة 80% في منطقة الجهاز الهضمي وقتها
تاسعاً: متشغلش راديو او اغاني جنبك لان ممكن في جزء من الوقت عقلك يشرد وممكن تركز فالاغنية ولو بمترعفش تذاكر غير وجنبك صوت ممكن تشغل موسيقي مثلا تكون هادية تساعدك ع التركيز وبلاش المزيكا الي فيها صخب
عاشراً: دايما افتكر وتخيل نفسك لما تنجح هاتبقي سعيد ازاي واية هايتحسن في حياتك ، ودة هايزود دافعك للمذاكرة
اتمنالك تنجح بتفوق🙏
المدرب #احمد_جمعة
www.mrAhmedGomaa.com
